Lista e shkrimeve | Krko shkrime | T gjitha shkrimet n kategorin  | T gjitha shkrimet nga Profit.al

Si të sillemi me menaxherët e rinj?

Shkruar nga Profit.al - 07/12/2012
 
"Menaxherët e rinj, ose të paktën ata që e kanë me pasion këtë punë, synojnë për t’u ngjitur shumë lart në karrierën e tyre dhe për të arritur majën sa më parë. "
 
Menaxherët e rinj, ose të paktën ata që e kanë me pasion këtë punë, synojnë për t’u ngjitur shumë lart në karrierën e tyre dhe për të arritur majën sa më parë. Ata janë të etur për të përfituar nga çdo mundësi që mund t’i ofrohet dhe do të mundohen shumë për të qenë të sukseshëm. Gjithashtu, konkurrenca mes njëri-tjetrit është në përgjithësi e lartë.

Por si duhet të sillen bizneset dhe drejtuesit e tyre me këta menaxherë të rinj? Duke patur parasysh që faktori njerëzor po merr gjithmonë e më tepër rëndësi në menaxhimin strategjik të kompanive, kjo pyetje kërkon një përgjigje sa më të qartë rreth përcaktimit të politikave të burimeve njerëzore që synojnë zhvillimin e talenteve të reja. Sigurisht që duke qenë edhe unë një menaxher i brezit më të ri, do ta kem të lehtë në këtë shkrim të mendoj edhe në emër të shumë kolegëve të mi. Më poshtë po përmend 3 hapa që çdo organizatë është mirë të ndjekë kur vjen fjala tek fati i drejtuesve të saj të ardhshëm.

Jepuni përgjegjësi. Pushojini nëse dështojnë.
Shumica e menaxherëve të rinj ankohen se nuk u jepen mundësi të mira dhe përgjegjësi të vërteta. Për të qenë më i saktë, mes menaxherëve të rinj eksiston ndjesia që drejtuesit e lartë nuk u besojnë atyre. Ata kërkojnë që të shtyhen drejt suksesit dhe nuk do të ngurronin të provonin veten e tyre në çdo mundësi që do t’u jepej. Shpesh menaxherët e rinj e kanë të qartë se ku duan të arrijnë por ndjehen të bllokuar nga menaxherët e niveleve të larta, të cilët nuk u japin asnjëherë të rinjve një vend nëpër takimet e rëndësishme.

Kompanitë duhet t’i shtyjnë të rinjtë që të futen në “lojë” – duhet t’i motivojnë. Brezi i ri e kupton riskun që sjell përgjegjësia, ashtu siç kupton edhe që shpesh pas një dështimi vjen edhe ndëshkimi (pushimi nga puna). Megjithatë mundësitë duhen dhënë. Planifikimi strategjik është aspekti më i rëndësishëm për një organizatë dhe menaxhimi i mirë i një grupi menaxherësh të rinj e të talentuar është thelbësor për suksesin afatgjatë të saj.

Jepuni akses dhe pëcaktojini nga një “kujdestar” secilit.
Megjithëse menaxherët e rinj kanë mënyrën e tyre personale të të parit të gjërave, ata gjithsesi në fillimet e tyre do të vëzhgojnë drejtuesit e pjekur të kompanisë. Për shumë gjëra, ata do të imitojnë sjelljet e tyre dhe do të ëndërrojnë ditën kur t’i zënë vendin. Por në mënyrë që kompania të ketë një frymë bashkëpunimi dhe të ketë një vizion afatgjatë të suksesshëm, duhet të trajnojë të rinjtë gjatë gjithë kohës. Kjo gjë mund të bëhet nën kujdesin e menaxherëve me përvojë, të cilët mund të marrin si asistentë për projekte të caktuara të sapopunësuarit. E gjithë kjo situatë përmirëson edhe kulturën e përgjithshme të kompanisë dhe rrit mundësitë që talentet e reja më të mira të dëshirojnë të qëndrojnë në organizatën në të cilën u “rritën”, për një kohë sa më të gjatë.

Respektoni ambicien e tyre.
Në një organizatë mund të punësohen edhe të rinjtë e gabuar. Menaxherë që nuk bëjnë për punën që kërkojnë të bëjnë. Ndikimi që menaxherë të rinj të tillë kanë tek drejtuesit e lartë të një organizate është i madh. Kjo bën që të paragjykohet shumica e menaxherëve të sapo dalë nga studimet dhe sjell vendosjen e kriterit “eksperiencë pune disa vjeçare” për çdo pozicion që lidhet me menaxhimin. Për menaxherët e rinj të aftë kjo gjë është ofenduese. Punësojini të rinjtë e talentuar edhe nëse nuk kanë përvojë pune. Më pas pyetini mbi motivimet e tyre, ëndrrat që kanë për jetën e tyre dhe se ku e shohin veten pas 10 vjetësh. Drejtuesit e kompanive do të habiten se sa shumë menaxherë të rinj super të përqëndruar dhe të qartë mbi karrierën e tyre mund të gjejnë.

Sidomos në Shqipëri, problemi i rekrutimi të menaxherëve të rinj është shumë i përhapur. Shpesh, kompanitë pranojnë të mbajnë drejtuesa me pak ambicje për të ardhmen por që kanë përvojë, sesa të rinj me ide të reja dhe shumë të motivuar. Programe specifike për rekrutimin e talenteve të reja kanë nevojë të hartohen dhe të zbatohen nga bizneset e mëdhaja. Nuk ka asgjë që nuk shkon nëse në kompaninë tuaj sillet një grup menaxherësh të rinjsh ambiciozë. Kjo sjell vetëm përfitime në të ardhmen e kompanisë./menaxhim.com/profit.al/
 
M shum detaje: http://profit.al/index.php?option=com_k2&view=item&layout=item&id=2561
 
Kushtet e përdorimit | Politikat e intimitetit | Rreth nesh | Përkrahja | Na rekomandoni | Bizneset

Copyright © 2003-2010. T gjitha t drejtat e rezervuara. Riprodhimi i plot apo i pjesrishm n fardo lloj forme apo mediumi pa autorizimin me shkrim nga Ofertapune.com sht i ndaluar. Oferta Pune, Ofertapune.com si dhe logot prkatse jan marka tregtare t Ofertapune.com LLC.