|
Informatat e punëdhënësit
- Korporata Energjetike e Kosovës sh.a. (KEK sh.a.) është ndërmarrja e vetme energjetike në Republikën e Kosovës. Ajo është e integruar vertikalisht dhe është korporatizuar në fund të vitit 2005.
- Në periudha të ndryshme kohore KEK sh.a. iu nënshtrua ndryshimeve të shumta. Për një kohë të gjatë, sistemi energjetik i Kosovës ka qenë pjesë përbërëse e sistemit energjetik të ish-Jugosllavisë. Gjatë asaj periudhe, prodhimi i energjisë elektrike në Kosovë ka qenë i koncentruar në prodhimin e saj nga qymyri (termo) dhe në një sasi shumë të vogla nga uji (hidro). Gjatë kësaj kohe furnizimi me energji elektrike nuk është bërë vetëm nga termocentralet e Kosovës, por edhe nga burimet tjera që prodhonin energjinë elektrike e që ishin të shpërndara në tërë territorin e ish-Jugosllavisë.
- Gjatë viteve të nëntëdhjeta, pas anulimit të statusit autonom të Kosovës dhe fillimit të shpërbërjes së ish-Jugosllavisë, Korporata iu nënshtrua shfrytëzimit të egër dhe nuk u bë asnjë investim në sistemin energjetik të Kosovës. Kjo gjendje ka mbizotëruar deri në mesin e muajit qershor të vitit 1999, kur me përfundimin e luftës ka filluar kthimi i punonjësve shqiptarë të Korporatës nëpër vendet e tyre të punës. Në vitet 1989 - 1999 shumica e ekspertëve vendorë janë dëbuar nga vendet e tyre të punës. Pas kësaj kohe, kanë filluar investimet në kthimin e funksionalitetit të strukturës energjetike të Korporatës, fillimisht përmes mbështetjes së institucioneve ndërkombëtare e më vonë edhe të atyre vendore.
- Sot, funksion parësor i Korporatës është prodhimi i qymyrit, prodhimi i energjisë elektrike, shpërndarja e saj, shërbimi i shitjes dhe përkujdesja ndaj konsumatorit. Për të përmbushur funksionet e sipërpërmendura, KEK-u është i organizuar në katër Divizione kryesore: Divizionin për Prodhimin e Qymyrit, të Gjenerimit të Energjisë, të Shpërndarjes dhe Divizionin e Furnizimit. Korporata operon me dy mihje sipërfaqësore, gjegjësisht Mihjen e Mirashit dhe të Bardhit, dy termocentrale, TC "Kosova A" dhe TC "Kosova B" dhe rrjetin e shpërndarjes me një gjatësi prej 18.898.43 km ( nga niveli i tensionit 0.4 kV deri ne 35 kV), që është i shtrirë në tërë territorin e Republikës së Kosovës. Përfundimisht operon edhe me sektorin e furnizimit, ku përfshihet edhe funksioni i shitjes së energjisë elektrike. Funksionet e Korporatës rregullohen përmes politikave të Zyrës së Rregullatorit për Energji të Republikës së Kosovës.
- Korporata i ka të regjistruar rreth 400.000 konsumatorë të niveleve të ndryshme dhe punëson rreth 8000 punonjës të fushave të ndryshme të operimit.
|
Kompania: |
Korporata Energjetike e Kosovës |
Lloji i Kompanisë: |
Punëdhënës |
Personi kontaktues: |
Fadil Çitaku |
Industria: |
Industri/Prodhimtari |
Adresa: |
Bulevardi Bill Klinton no. 3 |
Qyteti: |
Prishtinë |
Kodi Postar: |
10000 |
Shteti: |
Kosovë |
Tel: |
038 501 701 1000 |
Fax: |
|
E-mail: |
contactcenter@kek-energy.com [ Dërgo mesazh privat] |
Web: |
http://www.kek-energy.com
|
Regjistruar me: |
24/10/2012 |
Gjithsejt punë të shpallura: |
10 |
Për momentin të hapura: |
0 |
Vendee e hapura të punës nga kjo kompani:
Asnjë punë nuk është gjetur nga ky punëdhënës.
|
|
|