|
Informatat e pundhnsit
-
Banka e Shqipërisë është banka qendrore e Republikës së Shqipërisë. Ky status sanksionohet në nenin 161 të Kushtetutës dhe me ligjin nr. 8269, datë 27.12.1997 "Për Bankën e Shqipërisë", i cili përcakton objektivat, detyrat, marrëdhëniet me sistemin bankar dhe me shtetin, organizimin dhe drejtimin, pronësinë mbi kapitalin, pasqyrat financiare dhe shpërndarjen e fitimit.
Banka e Shqipërisë u krijua gjatë procesit të tranzicionit me kalimin në sistemin bankar dynivelor dhe me krijimin e hapësirës së nevojshme ligjore për një bankë qendrore, e cila u zyrtarizua me miratimin e ligjit nr. 7559 "Për Bankën e Shqipërisë", datë 22 prill 1992. Rishikimet e mëvonshme që iu bënë këtij ligji u hartuan sipas modeleve të vendeve perëndimore e rekomandimeve të organizmave ndërkombëtarë.
Banka e Shqipërisë ështe bankë me kapital tërësisht shtetëror dhe përgjigjet përpara Kuvendit të Republikës së Shqipërisë. Ajo mban, në përputhje me ligjin " Për kontabilitetin" dhe standardet ndërkombëtare, llogari e regjistra, që në çdo kohë duhet të pasqyrojnë në mënyrë të saktë gjendjen financiare të Bankës së Shqipërisë.
Në cilësinë e autoritetit monetar e mbikëqyrës të vendit, Banka e Shqipërisë gëzon të gjitha funksionet e mirëfillta të një banke qendrore klasike:
Harton, miraton dhe zbaton politikën monetare të vendit, për realizimin e objektivave të së cilës ajo përdor instrumentet e duhura monetare;
Ka të drejtën ekskluzive të nxjerrjes e të qarkullimit të kartmonedhës dhe të monedhës kombëtare.
Mban dhe administron rezervat valutore të Republikës së Shqipërisë.
Harton, miraton e zbaton regjimin e këmbimit valutor si dhe politikën e kursit të këmbimit.
Licencon ose revokon licencën për ushtrimin e veprimtarisë bankare si dhe mbikëqyr aktivitetin bankar me qëllim sigurimin e stabilitetit të sistemit bankar.
Shërben si bankier, këshilltar e agjent fiskal i Republikës së Shqipërisë.
Shërben si bankë e bankave të nivelit të dytë.
Nxit funksionimin normal të sistemit të pagesave.
Banka e Shqipërisë drejtohet nga Këshilli Mbikëqyrës, i cili kryesohet nga Guvernatori. Brenda kompetencave të përcaktuara me ligj, ajo është e pavarur nga çdo pushtet tjetër për realizimin e objektivit kryesor të veprimtarisë së saj, si dhe në ushtrimin e detyrave të ngarkuara. Çdo subjekt është i detyruar të respektojë pavarësinë e Bankës së Shqipërisë, të mos kërkojë të influencojë te ndonjë anëtar i Këshillit Mbikëqyrës për të cënuar detyrimet e tij ndaj Bankës së Shqipërisë, si dhe të mos ndërhyjë në veprimtaritë e Bankës së Shqipërisë.
Banka e Shqipërisë e ka qendrën në Tiranë. Ajo ka 5 degë në rrethet Shkodër, Elbasan, Gjirokastër, Korçë, Lushnjë.
|
Kompania: |
Banka e Shqipërisë |
Lloji i Kompanis: |
Pundhns |
Personi kontaktues: |
|
Industria: |
Financa/Banka |
Adresa: |
Sheshi “Skënderbej”, Nr.1 |
Qyteti: |
Tiranë |
Kodi Postar: |
|
Shteti: |
Shqipëri |
Tel: |
+355-(0)4-2222152 |
Fax: |
+355-(0)4-2223558 |
E-mail: |
public@bankofalbania.org [ Drgo mesazh privat] |
Web: |
|
Regjistruar me: |
27/03/2010 |
Gjithsejt pun t shpallura: |
2 |
Pr momentin t hapura: |
0 |
Vendee e hapura t puns nga kjo kompani:
Asnj pun nuk sht gjetur nga ky pundhns.
|
|
|