Forumi për Iniciativa Qytetare (FIQ), është organizatë joqeveritare e përqëndruar në zbatimin e ligjit që punon për të rritur pjesëmarrjen e qytetarëve në proceset vendim-marrëse, për një rajon ballkanik të zhvilluar ku mbretëron paqa dhe drejtësia. FIQ-i është krijuar në vitin 2000 në mënyrë që të adresoj nevojat urgjente në Kosovën e pasluftës.

Prej atëherë, FIQ është zhvilluar në një organizatë e përqëndruar në sundimin e ligjit dhe transparencën dhe llogaridhënien e qeverisë si dhe në forcimin e kapacitetit të shoqërisë civile përmes diskutimeve, trajnimit dhe dhënies së granteve.

Gjatë këtyre viteve te punës, FIQ vazhdoi të rrisë kufinjët e vet gjeografik në zbatimin e projekteve në Kosovë, duke u përqendruar në sundimin e ligjit dhe transparencën dhe llogaridhënien e qeverisë si dhe forcimin e kapacitetit të shoqërisë civile përmes diskutimeve, trajnimit dhe dhënies së granteve.Kjo u arrit përmes komunikimit dhe bashkëpunimit të dy anshëm me institucionet, organizatat e shoqërisë civile, donatorët dhe angazhimin e drejtpërdrejt me qytetarët e Kosovës të përkatësive të ndryshme etnike e kulturore.

Duke i poseduar të gjithë këta komponentë FIQ vazhdon të angazhohet në përkrahjen e të gjitha projekteve të cilat kontribuojnë në zhvillimin e komuniteteve dhe forcim e sundim të ligjit duke u siguruar se po ecën drejt misionit të vet për zvogëlimin e hapësirës në mes të institucioneve dhe qytetarëve të Kosovës