KYQUNI Regjistrohuni Kërko Punë  
Informatat e punëdhënësit
Vodafone

Vodafone Group Plc, është kompania më e madhe e telefonisë celulare në botë, e cila është e pranishme në Evropë, Shtetet e Bashkuara të Amerikës si edhe Lindjen e Largët, nëpërmjet filialeve dhe investimeve të tyre. Ajo ofron një gamë të gjerë shërbimesh të telekomunikimt celular, duke përfshirë komunikimin zanor dhe atë të të dhënave. Vodafone Group aktualisht operon në 27 vende të botës. Filialet e Vodafone Group operojnë nën markën “Vodafone” me përjashtim të sipërmarrjes në Japoni e cila operon si Vodafone KK, dhe në Shtetet e Bashkuara të Amerikës, ku sipërmarrja e Vodafone Group operon si Verizon Wireless.

Gjatë dy viteve të fundit financiare, Vodafone Group ka marrëveshje me operatorë rrjeti celular në vendet ku ajo nuk zotëron pjesëmarrje në kapitale. Nën kushtet e këtyre Marrëveshjeve Partneriteti, Vodafone Group dhe rrjetet partnere, bashkëpunojnë për zhvillimin dhe marketing-un e shërbimeve globale nën një logo të dyfishtë. Nëpërmjet këtyre marrëveshjeve, Vodafone Group, ka zgjeruar biznesin e tij duke u shtrire edhe në 14 vende te tjera.

Më 31 Mars 2005, Vodafone Group shënon përafersisht 154.8 milion klientë në të gjithë botën, shifër kjo e llogaritur në bazë të përqindjes së investimit në kompanitë e tjera.

Kompania u formua në 1984 si një filial i Racal Electronics Plc. Në Tetor 1988, rreth 20% e kapitalit të kompanisë e njohur tashmë si Racal Telecom Limited, u shit në një ofertë publike. Në Shtator 1991 u shkëput plotësisht nga Racal Electronics Plc dhe u bë kompani e pavarur. Po në të njëjtën periudhë mori emrin Vodafone Group Plc. Në 29 Qershor 1999, Kompania merr emrin Vodafone Air Touch Plc, si rezultat i shkrirjes së saj me Air Touch Communications Inc. Më 28 Qershor Kompania u quajt rishtas Vodafone Group Plc, në bazë të vendimit të aksionerëve të saj.
Aksionet e Kompanisë janë të listuara në Bursën e Londrës, Bursën e Frankfurtit dhe në Bursën e New York-ut.
Më 12 Nëntor 2004 Kompania vlerësohej me 93.7 miliarde £ (pound).


Historia e Vodafone Albania Sh.A

Vodafone, operatori më i fuqishëm i telekomunikimit celular në botë, u licensua më 9 Qershor 2001 si operatori i dytë i shërbimit celular GSM në Shqipëri, duke bërë ofertën më të lartë prej USD 38 milionë në tenderin ndërkombëtar.

Vodafone International Holdings B.V. zotëron 51% të kapitalit të Vodafone Albania, ndërsa Vodafone Panafon International Holdings B.V. zotëron 49% (Kjo e fundit zotërohet në mënyrë direkte dhe indirekte në 99.4% nga Vodafone Group).

Në 3 Gusht 2001, Vodafone Albania lançoi shërbimet e saj GSM në Shqipëri, të cilat i përkasin njërit prej rrjeteve më të shpejtë GSM në botë të mbështetur në përvojën e partnerëve të saj dhe në eksperiencën e rrjeteve të tjera operuese kudo në botë.

Operatori më i ri i telefonisë celulare në Shqipëri po e ndërton rrjetin e tij në një kohë rekord. Vodafone Albania, që nga fillimi i saj në Gusht 2001, ka arritur të aktivizojë mbi 300 stacione bazë duke mbuluar kështu gjithë qytetet e Shqipërisë dhe rrugët që lidhin këto qytete: Tiranë, Durrës, Elbasan, Shkodër, Koplik, Bulqizë, Peshkopi, Tropojë, Kukës, Mirditë, Burrel, Laç, Has, Pukë, Krujë, Fushë Krujë, Mat, Lezhë, Korcë, Pogradec, Devoll, Librazhd, Kavajë, Rrogozhinë, Peqin, Gramsh, Lushnjë, Ballsh, Fier, Berat, Vlorë, Përmet, Memaliaj, Tepelenë, Skrapar, Kolonjë, Ersekë, Çorovodë, Gjirokastër, Delvinë, Sarandë si edhe pikat doganore Kakavijë, Qafë Thanë, Kapshticë, Tushemisht, Hani i Hotit dhe gjithë bregdetin shqiptar.

Vodafone është i angazhuar për një shtirje të rrjetit që do të jetë më moderni dhe më cilësori në Shqipëri.

Cilësia e mbulimit të rrjetit dhe shërbimi ndaj klientit janë epërsitë e synuara të konkurrencës.

Kompania: Vodafone
Lloji i Kompanisë: Punëdhënës
Personi kontaktues: Vodafone
Adresa: Vodafone Albania, European Trade Center-10th floor, “Bajram Curri” Boulevard
Qyteti: Tiranë
Kodi Postar:
Shteti: Shqipëri
Tel: 00355(4)283072
Fax: 00355(4)283333
E-mail: HumanResources.Al@vodafone.com  [ Dërgo mesazh privat] 
Web: http://www.vodafone.com
Regjistruar me: 17/07/2006
Gjithsejt punë të shpallura: 10
Për momentin të hapura: 0

Vendee e hapura të punës nga kjo kompani:

Asnjë punë nuk është gjetur nga ky punëdhënës.

Kushtet e përdorimit | Politikat e intimitetit | Rreth nesh | Përkrahja | Na rekomandoni | Bizneset

Copyright © 2003-2010. Të gjitha të drejtat e rezervuara. Riprodhimi i plotë apo i pjesërishëm në çfarëdo lloj forme apo mediumi pa autorizimin me shkrim nga Ofertapune.com është i ndaluar. Oferta Pune, Ofertapune.com si dhe logot përkatëse janë marka tregtare të Ofertapune.com LLC.